भारत रो इतिहास उजळो चनेक पानो खोलो र बेली

भारत की चार गौरवशाली घट्नाओं की याद  दिलाने वाला यह गीत कैसा लगा ?  अपना  विचार अवश्य लिखें :
स्वर के लिये link-http://www.geetganga.org/jay-bajrangi-jay-jay-kali

जय बजरंगी जय जय काली बम बम हर हर बोलो र बेली
भारत रो इतिहास उजळो चनेक पानो खोलो र बेली

यूनानी जोधो सेलुकस चढ़ भारत पर आयो हो 

पड़ी पीठ पर मार गदांगद मोर जियां कुरलायो हो 

बेटी देय दायजो दीन्यो जद छुटकारो पायो र बेली 

बम बम---------------------------------------

अकबर हो हिरदे रो काळो मन म कुबद बिचारी ही 

छाती पर किरणा चढ़ बैठी कर म तेज कटारी ही 

पकड्या कान नाक रगड्यो हो होयी जणा जिवारी र बेली 

बम बम---------------------------------------

अमरसिंह राठौड़ सूरमो गाळ सलावत काढी ही 

सिंह भरै दरबार धडूक्यो नाड़ दुष्ट री बाढ़ी ही 

छोड़ तखत शाजां भाग्यो हो खिड़की जडली आडी र बेली 

बम बम---------------------------------------

जलियांवाला बाग़ मांयनै डायर जुलम करयो भारी 

भरी सभा म गोळयां दागी मरया घणा ही नर नारी 

उधम सिंह जद जाय बिलायत बी रै गोळी मारी र बेली 

बम बम---------------------------------------           

राणा ----सुणता ही जाज्योजी

हिंदुआ सूर्य महाराणा प्रताप के नाम से राजस्थान की दुनिया में विशेष पहचान है। उनकी वीरगाथा का बखान करता यह गीत बहुत प्रेरणादायी है:
स्वर के  लिये link-http://www.geetganga.org/nele-ghodha-sa-avsar

नीला घोड़ा रा असवार , म्हारा मेवाड़ी सरदार
राणा ----सुणता ही जाज्योजी
राणा थारी दकाल सुणनै अकबर धूज्यो जाय
हल्दी घाटी रंगी खून सूँ नाळो बहतो जाय
चाली मेवाड़ी तलवार बैग्या खूना रा खंगाळ 
राणा ----सुणता ही जाज्योजी
चेतक चढग्यो हाथी ऊपर मानसिंह घबराय
भालो फेंक्यो महाराणा नै होदो टूटयो जाय
रण में घमासान मच जाय बैरी रणसू भाग्यो जाय
राणा ----सुणता ही जाज्योजी
झालो गयो क सुरगां माहीं पातळ लोह लुहाय
चेतक तनसू बहे पनाळो करतब बरण्यो  न जाय
म्हाने जीणासू नहीं प्यार म्हाने मरणो है एक बार
राणा ----सुणता ही जाज्योजी
शक्तिसिंह री गर्दन झुकगी पड्यो पगां में आय
प्यार झूमग्यो गळ लूमग्यो बचन न मुंडे आय
दोनूं आंसूड़ा ढळकाय बां री बाहां कुण छुड़वाय
राणा ----सुणता ही जाज्योजी
राणों मनमे सोचकर जद छोड़ चल्यो मेवाड़
भामासा री भेंट चढ़ी धन थारो है करतार
म्है हाँ मेवाड़ी सरदार म्हाने माया सू नहीं प्यार
राणा ----सुणता ही जाज्योजी

भारतवासी गुण नहीं भूले केशव थारा रे

स्वर के लिये link-http://www.geetganga.org/keshav-thara

डॉक्टर हेडगेवारजी का जीवन हम सभी के लिए प्रेरणादायक है. उनके प्रति कृतज्ञता ज्ञापित करनेवाला यह भावपूर्ण राजस्थानी गीत :

है जग में जदताणी सूरज चाँद और तारा रे
भारतवासी गुण नहीं भूले केशव थारा रे

हिन्दूपण नै भूल गया हा भूल्या गौरव गाथा रे
दीन हीन सा हुया झुकायां परदेस्याँ कन माथा रे
थे सूतोड़ा सिंह जगाया हिन्दू सारा रे
 भारतवासी-----------------------

कहता हिन्दू एक न होवै मेंढक तुलणों सोरो रे
हिम्मत वाला नरसिंघा रे  कारज कुणसो दोरो रे
संघ मंत्र सूं देस जगा थे पलटी धारा रे
भारतवासी------------------------

 टाबर नै मोट्यार जगां  बूढ़ा  पर कर दियो जादू रे
जाग्या हरिजन गिरिजन करसां  सेठ मजूरां साधू रे
लाग रह्या है भारत माँ ने कयां संवारां रे
भारतवासी------------------------

करयो रगत रो तेल देहरी बाती निस दिन बाळी रे
थे दिवला सूं दिवलो जोयो होई जणां दिवाळी रे
किण शबदां में नमन म्हे केशव थारा रे
भारतवासी------------------------