जय जयकारा रे--------जग में गूंजैला भारत माता रा जय जयकारा रे
पो फाट्या पैल्यां घर घर म यज्ञ हवन री त्यारी है
ऋषि मुनियाँ री कुटिया सूं धुन सामवेद री आ' री है
जागै सारा रे----------- मिलनै न्हाय धोय नै धरम करम म लागै सारा रे
गायां री पूजा होवैली नीरा चारा दूवणा
टाबर माखन मिसरी जीमै घर घर झगड़ बिलोवाणा
भरै भंडारा रे------------अन धन दूध दही घी सबरा बहवै सुखरी धारा रे
हिमगिरी पर भगवो फ़हरलो माँ' रे माथै चंवर डुळै
छ्याळी ल्याळी बैर भूल कर जग चरणां रे मांय लुळै
हिन्दू सारा रे------------मिलनै कृण्वन्तो विश्वम् आर्यम् हित अलख जगार् या रे
No comments:
Post a Comment