माता थारो रूप म्हानै प्यारो लागै ए
ऊंचो थारो भाल हिमालो उत्तर म नगराज
सूरज री किरणां ज्यूँ चमकै
धोळो हिमरो ताज म्हानै प्यारो लागै ए
गंगा जमुना सिंधु सुरसती नदियां री जळधार
माता थारै गळ म सोहै
जाणू नौलख हार म्हानै प्यारो लागै ए
हारिये खेतां री साड़ी सोहै माता फूलांदार
चमचम चमकै चाँदनी में
उजळी रेत किनार म्हानै प्यारो लागै ए
विंध्याचल री सोहै कणकति माता झालरदार
सातपुड़ा री सोहै कमर में
थारै तेज कटार म्हानै प्यारो लागै ए
लंका रै बाजोट धरया पग सागर रह्यो पखाळ
साँझ सवैरे करै आरती
ले सूरज रो थाळ म्हानै प्यारो लागै ए
थारै सुन्दर रूपरा दरशण पावै सब संसार
शीश झुका चरणां में माता
चावै निज उद्धार म्हानै प्यारो लागै ए
No comments:
Post a Comment